2023 жылғы 11 сәуірде Арал теңізі станциясындағы желілік полиция бөлімшесіне Арал теңізі станциясының №2370 шақырымның №8 пикетінде жүк поездының машинисті темір жол бойында бөгде адамның жүруі себебінен, адам басу оқиғасаның болдырмау мақсатында шұғыл тежеуді қолданғаны туралы хабарлама келіп түсті.
Нәтижесінде адам басу оқиғасы орын алған жоқ. Жоспарланбаған поезд тұрағы 5 минутты құрады. Аталған факті бойынша оқиға орнына Арал теңізі станциясындағы желілік полиция бөлімшесінің қызметкерлері барып, атқарылған іс-шаралар барысында Қызылорда облысының 25 жастағы тұрғыны анықталды. Аталған азаматқа қатысты ҚР ӘҚБтК 559-бабының 5-бөлігіне сай, яғни темір жол арқылы белгіленбеген жермен өткені үшін әкімшілік іс-құжат толтырылып ескерту жасалды.
Жылдам ақпарат алу үшін Facebook, Instagram желілері мен Telegram каналымызға жазылыңыз!