Индустрияландыру аясында өңірде құны 607,7 млрд теңгені құрайтын 34 жоба жүзеге асырылуда. Бұл 6,3 мың адамды жұмыспен қамтуға мүмкіндік береді. Облыс әкімі Нұрлыбек Нәлібаев 2022 жылдың қазан айында Қызылорда облысында шыны зауыты іске қосылғанын атап өтті. Бұл өңдеуші өнеркәсіпке серпін бермек. «Былтыр зауыт 32 мың тоннадан астам, жалпы құны 4,5 млрд теңгенің өнімін шығарып, ішкі нарықты шынымен қамтамасыз ете бастады. Биылғы 4 айда 3,5 млн текше метр шыны өндірілді», – деді өңір басшысы ОКҚ алаңында.Зауыт өнімі республика өңірлеріне сатылып, Өзбекстан, Қырғызстан, Тәжікстан және Ресей мемлекеттеріне экспортталуда. Қазір шыны зауытының жанынан құны 32 млрд 800 млн теңгені құрайтын 3 ілеспе кәсіпорын ашылады. Бұл жаңа жұмыс орындарын ашуға, халықтың табысын арттыруға мүмкіндік береді.
Жылдам ақпарат алу үшін Facebook, Instagram желілері мен Telegram каналымызға жазылыңыз!