ҚЫЗЫЛОРДА ОБЛЫСЫНЫҢ КОМАНДАСЫ ДЗЮДО СПАРТАКИАДАСЫНДА ҮЗДІК АТАНДЫ
Тараз қаласында Қазақстан Республикасының VI жазғы спартакиадасы бағдарламасындағы дзюдодан өткен жарыста Сыр елінің спортшылары командалық есепте чемпион атанды.
Спартакиадаға 14 қызылордалық қатысты. Оның ішінде үш алтын медальді 60 келі салмақтағы Мағжан Шамшадин, 66 келідегі Әділбек Берікұлы, 100 келідегі Шархан Нұрлыхан алды. Бір күмісті 81 келі салмақтағы Жұбаназар Абылайхан иеленсе, 48 келідегі Жанерке Асқарова, 57 келідегі Мұхамбет Дина, 78 келідегі Бисембай Әсел үшінші орынға шықты.
Жарыс қорытындысында сырбойылықтар үздік нәтиже көрсетіп, командалық есепте бірінші орын иеленді.
Айта кетейік, спартакиада әрі қарай еліміздің басқа қалаларында жалғасын таппақ.
Жылдам ақпарат алу үшін Facebook, Instagram желілері мен Telegram каналымызға жазылыңыз!