Жұмысшы мамандығының мәртебесін көтеру – қоғамда еңбек адамының қадірін арттыру, оның кәсіби біліктілігін шыңдау, жұмысшы қарым-қабілетін жан-жақты бағалау арқылы жүзеге асатын сан салалы үдеріс.
Мемлекет басшысы Қасым-Жомарт Тоқаев кәсіптік білім беру саласына реформа жасаудың айрықша өзектілігін алға тартып, 2025 жылды «Жұмысшы мамандықтары жылы» деп жариялады. Осы орайда, қаламызда адал әрі табанды еңбегімен табысқа жеткен кәсіп иелерімен жастарды таныстырып, үлгі ету мақсатында «Жұмысшы мамандық – ел болашағының негізі» атты кездесу кеші өтті.Жиында «Аралбаева» ЖК отандық өнім шұлық өндіруші Сәрсенкүл Аралбаева, «Ainurs cakes» ЖК кондитерлік өнімдер шығарушы Айнұр Баймаханова және «KazAgroMir» жылыжайының бригадирі Ерлан Зейнулларапұлы студент жастармен қызықты әңгіме өрбітіп, сұрақтарға жауап берді.
Жылдам ақпарат алу үшін Facebook, Instagram желілері мен Telegram каналымызға жазылыңыз!