Бүгін Қызылорда қаласындағы С.Майқанова атындағы Мәдениет үйінде (Тасбөгет кентінде) антитеррорлық оқу-жаттығу жұмыстары жүргізілуде.
Іс-шараның мақсаты – террорлық қауіп төнген жағдайда мемлекеттік органдардың өзара іс-қимыл жасауының дағдыларын қалыптастыру.
Сағат 09:00 -12:00 уақыт аралығында белгіленген ауданда шектеу енгізіледі. Оның ішінде осы аймақта жаяу жүргіншілер мен автокөлік қозғалысына шектеу қойылады.
Осы орайда, түсіністік танытып, алаңдатушылыққа бой алдырмай, қауіпсіздік шараларын сақтап, оқу жаттығу жұмыстарына қатысатын құқық қорғау органдары қызметкерлерінің заңды талаптарын сақтауларыңызды сұраймыз.
Қызылорда облысы Полиция департаментінің баспасөз қызметі
Жылдам ақпарат алу үшін Facebook, Instagram желілері мен Telegram каналымызға жазылыңыз!