«Жігер» Қызылорда облысы мүгедектерінің қоғамдық бірлестігі «Бас бостандығынан айыру орындарынан босатылатындар және босатылғандарды, сонымен қатар пробация қызметінде есепте тұрғандарды қайта әлеуметтендіру және қайта оңалту жұмысын ұйымдастыру» әлеметтік маңызды жобасы және Қызылорда облысы бойынша Қылмыстық-атқару жүйесі департаменті арасында жасалған Ынтымақтастық Меморандум аясында 06 шілде күні Қармақшы аудандық пробация қызметінде есепте тұрған азаматтармен кездесу өткізді.
Кездесуге заңгер Джумадилаев Мурат Алимбаевич, психолог Қойшыбаева Қарлығаш Балтабайқызы, маман Әлімбай Арлан, ҚАЖ департаментінің пробация қызметіне басшылық жасау тобының бас маманы әділет подполковнигі Кулманов Ғаламат Сақтағанұлы, Қармақшы ауданының жұмыспен қамтуды үйлестіруді және әлеуметтік бағдарламалар бөлімінің маманы Әлменбетов Даулетхан қатысты.
Кездесу барысында сала мамандары пробация қызметінде есепте тұрған азаматтардың құқықтары туралы, жұмысқа орналасу жолдарын түсіндіріп , психолог маман «Дағдарыстан шығу жолдары» тақырыбында психологиялық тренинг ұйымдастырды.Кездесу спорттық шарамен жалғасын тапты. Дойбыдан спорттық турнир өткізіліп, жүлделі орындарға қаржылай сертификаттар беріліп, қатысушылар белсенділік танытқаны үшін, алғыс хатпен марапатталды.
Жылдам ақпарат алу үшін Facebook, Instagram желілері мен Telegram каналымызға жазылыңыз!