Құқықбұзушылықтың алдын алу және жасөспірімдердің қауіпсіздігін қамтамасыз ету мақсатында Қызылорда қалалық полиция басқармасының жергілікті полиция қызметі мен қалалық пробация қызметі пробация есебіндегі кәмелет жасқа толмаған балалардың тұрғылықты мекенжайларына тексеру жұмыстарын жүргізді.
Күшейтілген кестеге сәйкес жүргізілген рейд барысында ҚПБ ЖПҚ ЮПБ УПИ-ры полиция капитаны Р. Арынғазиева және пробация инспекторы, әділет лейтенанты М.Жұмабеков жасөспірімдердің үйлерін аралап, олардың тұрмыс жағдайымен танысты. Сонымен қатар, кәмелетке толмағандардың кешкі уақытта заңды өкілдерінің қарауынсыз жүруінің алдын алу, құқықбұзушылықтың орын алмауын қадағалау мақсатында профилактикалық түсіндірме жұмыстары жүргізілді.
Тәртіп сақшылары пробация есебіндегі жасөспірімдер мен ата-аналарға заң талаптарын түсіндіріп, түнгі уақытта балалардың көшеде жүруіне жол бермеу, зиянды әрекеттерден аулақ болу және қауіпсіздікті сақтау жөнінде кеңестер берді. Мұндай шаралар жасөспірімдер арасындағы құқықбұзушылықтың алдын алуға, олардың қоғамға бейімделуіне және қауіпсіздігін қамтамасыз етуге бағытталған.
Жылдам ақпарат алу үшін Facebook, Instagram желілері мен Telegram каналымызға жазылыңыз!