Ұлыстың Ұлы мерекесі – Наурыз мейрамы Қызылорда қаласындағы қауіпсіздігі барынша төмен 37 мекемесінде аталып өтті.
Шараны Қызылорда облысы бойынша ҚАЖ департаментінің бастығы Шаймерден Есенкелдиев ашып, қызығынан қиындығы көп қылмыстық-атқару жүйесі қызметкерлерін Ұлыстың ұлы мерекесімен құттықтап, бүкіл Шығыс халықтарына ортақ мерекенің шығу тарихы мен мән-жайына кеңінен тоқталды. Мұнан соң Наурыз мерекесіне арнайы ақ тілектерін айтып, бата берілді.Қазақтың ұлттық салт-дәстүрлері дәріптеліп, қызметкерлер арасында арқан тартыс тәрізді спорттық ойындар ойнатылды. Тоқшылықтың басы, береке бастауы – жеті түрлі дәмнен жасалған Наурыз көже таратылып, мерекелік шашу шашылды.
Мерекелік шара соңында «Бір тал кессең, он тал ек» қағидасын ұстанған ҚАЖ департаментінің басшылығы, қызметкерлер мекеме аумағына ағаш көшеттерін отырғызды.
Жылдам ақпарат алу үшін Facebook, Instagram желілері мен Telegram каналымызға жазылыңыз!