Қызылорда қалалық кешкі мектеп мұғалімдері Қызылорда қаласындағы ЗК-169/5 мекемесінде жазасын өтей жүріп орта білім алып жатқан сотталғандарға «Тіл – тұнық ойдың кәусары» тақырыбында қазақ, орыс және ағылшын тілінде іс- шара өткізді.
Іс-шараның негізгі мақсаты : Үштілділік – заман талабы. Оқушылардың өз ана тіліне деген құрмет сезімін арттыру, тіл мәртебесін көтеру, Қазақстан мемлекетінде тұратын барлық халықтардың тілдерін құрметтеу. Іс-шарада сотталғандар үш тілде құттықтау айтып, мақал – мәтел жалғастырып, қазақ ақын жазушылардың шығармаларынан үзінді оқыды.
«Түзеу мекемесінде жазасын өтеп жүрген азаматтар орта білім алуға міндетті. Мекемеде жазасын өтеп жүрген орта білім жоқ 21 сотталған 2021-2022 оқу жылында орта білім алуға өтініш берді. Оларға қазіргі таңда кешкі мектеп мұғалімдері офлайн форматта білім беруде. Мекеменің ішкі күн тәртібіне сәйкестендіріп, сотталғандардың сабақ кестесі құрылып,оқу жоспарына сәйкес, білім алуда»,-деді тәрбие бөлімінің бастығы Б.Тәуекел.
Қызылорда облысы бойынша ҚАЖД
Жылдам ақпарат алу үшін Facebook, Instagram желілері мен Telegram каналымызға жазылыңыз!