Меморандумның басты мақсаты – тараптар арасындағы ынтымақтастықтың бағыттарын айқындау, бірлескен іс-шаралар мен жобаларды жүзеге асырудың негізін қалау. Бұл құжат өзара түсіністігін көрсетеді. Меморандумда бағыттар мен мақсаттар, екі жақтың тілектері мен ұсыныстары бір-біріне сәйкес келуі шарт. Бұндай жағдайда меморандумға қол қойылып ресми құжатқа айналады. Қазіргі уақытта меморандум іскерлік және мемлекеттік қатынастардың ажырамас бөлігіне айналып отыр.
Қызылорда облысы бойынша Қылмыстық атқару жұйесі департаменті мен ҚР Ұлттық ұланы №5547 әскери бөлімінің арасында меморандумға қол қойылды. Келісім қағазында екі жақты спорт кешенін пайдалану жөнініде шарт жасалған. ҚАЖ департаментінің басшысы, әділет полковнигі Ш.Есенкелдиев пен №5547 Әскери бөлімінің командирі, подполковник Ж.Беркеновтің қол қоюымен құжат күшіне енді. Салтанатты шара барысында Ш.Есенкелдиев сөз алды, құжаттың маңызы мен мақсаттарын жіктеді.
Спорт – денсаулық кепілі. Сәйкесінше мекемелер арасындағы мұндай келісім қызметкерлердің дене шымырлығына, дайындығына кепілдік береді. Шара соңы спорт кешінің аумағы толық аралап, танысумен жалғасты.
Рәпіш ТӨЛЕП ҚАЖД №60 мекеменің баспасөз қызметі
Жылдам ақпарат алу үшін Facebook, Instagram желілері мен Telegram каналымызға жазылыңыз!