Полиция қызметшілері құқық тақырыбы бойынша мектеп оқушылары мен колледж студенттеріне сабақ өткізеді. Бұл туралы KAZINFORM хабарлайды.
«Оқу-ағарту министрлігімен полиция қызметшілердің мектептерде құқықтық сабақтар өткізу туралы уағдаластыққа қол жеткізілді. Яғни жүйелі негізде мектеп оқушылары және колледж студенттеріне құқықтық тақырыпта сабақтар өтеді. Осы орайда, полиция департаменттерінің басшылығы білім беру ұйымдарына бекітіліп, сабақ кестелері әзірленді», – деді Ішкі істер министрлігі Әкімшілік полиция комитетінің басқарма бастығы Әсет Оспанов ведомствода өткен баспасөз мәслихатында.
Одан бөлек, спикердің айтуынша, барлық өңірде балалардың құқығын қорғау тақырыбына арналған әдістемелік ұсынымдар әзірленіп, ата-аналарға таратылды.
Жылдам ақпарат алу үшін Facebook, Instagram желілері мен Telegram каналымызға жазылыңыз!