Қызылорда да «Рәміздер» алаңында 25 қазан – Республика күніне арналған Мемлекеттік туды көтеру рәсімі өтті. Шара барысында алдымен Әнұран шырқалып, Көк байрақ желбіреді. Салтанатты жиынға Қызылорда облысының әкімі Нұрлыбек Мәшбекұлы, ел ағалары, ІІО-ның біршама қызметкерлері мен жастар, қала тұрғындары қатысты.
Қызылордадағы ту тұғырдың биіктігі 62,5 метрді құрайды. Байрақтың ені 12 метр болса, ұзындығы – 24 метр.
Мерекелік іс-шарада концерттік бағдарлама ұсынылып, отаншылдықты дәріптейтін әндер шырқалды. Іс-шара «Көк тудың желбірегені» әнімен түйінделіп, ҚАЖ департаментіне қарасты №60, №68, №37 мекемелерінің жеке құрам қызметкері мен ІІО-ның басқа да қызметкерлері бір-бірін мерекемен құттықтады.Былтырдан бастап Республика күніне ұлттық мереке мәртебесі қайтарылды. Бұл – тәуелсіз еліміз үшін маңызды шешімдердің бірі. Республика күні – қазақ халқының мемлекет құру жолындағы тарихи қадамының символы.
Республика күні – халықтың рухын көтеруге, мемлекеттілікті нығайтуға, бірлігіміз бен ынтымақтастығымызды нығайтуға арналған жарқын мереке.
Мөлдір Жолдасбекқызы
Қызылорда облысы бойынша ҚАЖД
Жылдам ақпарат алу үшін Facebook, Instagram желілері мен Telegram каналымызға жазылыңыз!