40 сағат қоғамдық жұмысты орындамаған пробация есебіндегі азамат 10 күн қамаққа алынды
Қызылорда қалалық пробация қызметінің есебінде 600-ден астам сотталған азамат есепте тұрады. Олардың арасында сот үкімімен қоғамдық жұмысты орындау міндеттелген азаматтар да бар. Қазіргі таңда 4 азамат қоғамдық жұмыстарын орындап жүр. Жуырда бір азамат 10 күн қамаққа алынды. Ол азаматқа сот үкімімен Қазақстан Республикасы Қылмыстық кодексінің 296 бабының 2- бөлігімен кінәлі деп танылып, 40 сағат қоғамдық жұмыс тағайындалып, пробациялық бақылау белгіленген. Алайда, ол азамат пробация қызметіне тіркеуге келмей, тұрғылықты мекенжайы анықталмай, қоғамдық жұмысты орындамаған. Оғана сот қаулысымен іздеу жарияланып, күзетпен ұстау түрінде бұлтартпау шарасы қолданылған. ҚР ҚК-нің 43 бабының 2-1 бөлігі 1 тармағына сәйкес, қоғамдық жұмысының 4 сағаты 1 күнге есептеліп, 10 күн қамаққа ауыстырылған. Қаулы заңды күшіне енбеген.
Жылдам ақпарат алу үшін Facebook, Instagram желілері мен Telegram каналымызға жазылыңыз!