Қызылорда қаласы ҚАЖД №60 мекемесінде жазасын өтеуші сотталған азаматтар зейнеткерлікке шығуына орай, куәліктерін табыстау үшін, тәрбие жұмыстары жөніндегі мекеме бастығының орынбасары әділет подполковнигі Ускенбаев Алтынбек және заңгер Ардақ Кеңшілікқызының ұйымдастырылуымен іс-шара өтті.
Жаза мерзімін өтеуші сотталғандар жасына байланысты зейнетақыны рәсімдеу бойынша көмек туралы өтініштерімен заң тобына қабылдауға жиі жүгінеді. Бұл жағдайда құжаттарды рәсімдеуімен мекемеміздің заңгері Ардақ Кеңшілікқызы айналысады. Түрлі қылмысы үшін түзеу мекемесінде жазасын өтеп жатқан, әрбір тұлға заң жүзінде тиісті құжаттарын алуға міндетті. Зейнетке шығу адамның өміріндегі елеулі сәттің бірі болғандықтан, мекеме қызметкерлерінің де мақсаты сотталған азаматтарға тиісті куәлігін салтанатты түрде табыстап, қуаныш сыйлау.
Бүгінгі шарада сотталғандарға зейнетке шығуына байланысты рәсімделген куәлікті мекеменің заңгері Ардақ Кеңшілікқызы өз қолымен табыстап, арнайы құттықтау лебізін білдірді.
-Тағдырлары сан-қилы темір тордағы жандар да еліміздің толыққанды азаматтары. Зейнетке шығу-өмірдің кезекті жаңа бастамасы. Сондықтан жазасын өтеуші азаматтар да осындай атаулы күнді сезініп, көңілдеріне жылулық сыйлауды жөн көрдік, – деді тәрбие жұмыстары жөніндегі мекеме бастығының орынбасары әділет подполковнигі Ускенбаев Алтынбек Тұрарбекұлы.
Жылдам ақпарат алу үшін Facebook, Instagram желілері мен Telegram каналымызға жазылыңыз!