Қылмыстық атқару саласына қарасты Қызылорда қаласындағы №68 мемлекеттік мекемесінің аға психологы Айзат Мырзалының ұйымдастыруымен шаруашылық бөліміне қалдырылған сотталғандар арасында «Мен басқаның көзімен кіммін?» атты тренинг өтті.
Аталған шараға ҚАЖ департаментіне қарасты №37 мекемесінің тәжірибиелі психологы А.Аманова мен №60 мекеме психологы Ш.Көлбаева қатысып, жазасын өтеуші азаматтарға психологиялық жаттығулар жүргізді. Сондай-ақ олардың көкейде жүрген сауалдарына жауап берді.
Семинардың негізгі мақсаты – жазасын өтеушіні өмір сүруге талпындыру, бақытты болу үшін өзін-өзі психологиялық тұрғыдан дайындауға, жеке қасиеттерін білуге тәрбиелеу.
– Өздері туралы өзгелерден жақсы сөз естіген сотталғандар көңілденіп, алдағы өмірлеріне позитивті көзқараспен қарап, бостандыққа деген сенімділіктері артты, – деді әділет капитаны Айзат Мұхамедиярқызы.
Жазасын өтеуші азаматтар тренинг соңында, бүгінгі күннен алған әсерлерімен бөлісіп, бір-бірлеріне деген жылы лебіздерін білдірді.
Жылдам ақпарат алу үшін Facebook, Instagram желілері мен Telegram каналымызға жазылыңыз!