«Кітаптар бойынша тәрбиелеу мүмкін емес, өйткені әр адам қайталанбас жеке тұлға. Кітапсыз тәрбиелеу дұрыс емес, өйткені мыңжылдық даналықтан ешкім асып түскен емес».
Сондықтан кітапхана жұмысының мүмкіндіктерін пайдалану № 68 мемлекеттік мекемесінде сотталғандарды тәрбиелеудің ең тиімді жолы болып табылады. Осы орайда, мекеменің кітапханашысы Қашқынбай Дияс Болатұлы кітапханадағы кітап қорын толықтырумен ондағы кітаптардың жаңартылып, ескі кітаптардың есептен шығарылуын жіті қадағалап отырады.
– Кітапхананың сотталғандарды тәрбиелеудегі маңызы зор. Ел заңына бағынбай құқық бұзған қылмыскерлерді өмірге қайта тәрбиелеу оңай емес. «Әлемдегі ең үздік кинозал – бұл ми, оны жақсы кітап оқығанда түсінесің» дегендей сотталғандардың санасын жағымсыз ойдан арылтып, рухани жағынан байытып, өмірге деген көзқарасын қайта тәрбиелеу үшін, жазасын өтеушілердің кітап алып оқуына көп көңіл бөлеміз. Ия, олардың көзқарастары, тіптен кітап оқуға деген сұранысы да әртүрлі. Бірі класикалық шығармаларды қаласа, бірі жәй түрлі-түсті суреттері бар журналдарды алдыртып оқиды. Жазасын өтеушілердің сұранысына қарай, кітап қорын жаңартып отыру бойынша үздіксіз жұмыс істейміз, – дейді жас қызметкер Дияс Болатұлы.
Жуырда демеушілер мен мекеме қызметкерлерінің қолдауымен жаңа кітаптар алынып, кітапхана қоры 114 кітаппен толықтырылған. Ал 73 жарамсыз деп табылған ескі кітаптарды есептен шығарды. Қазіргі кезде мекеме кітапханасында кітап қоры – 4542 дана. Яғни, әр сотталғанның жеке басына шаққанда жыл бойы 20 кітаптан жаздыртып оқуға мүмкіндігі бар.
Жылдам ақпарат алу үшін Facebook, Instagram желілері мен Telegram каналымызға жазылыңыз!