Ағымдағы жылдың 17 мамыр күні күндізгі уақытта Қызылорда қаласының орталық көшелерінің бірінде велосипедпен келе жатқан жасөспірімді белгісіз автокөліктің қаққандығы туралы полицияға хабарлама түсті.
Орын алған жол – көлік оқиғасы бойынша жедел түрде іздестіру шаралары басталды. Тәртіп сақшылары жақын маңдағы ғимараттар мен үйлердегі бейнекамера жазбаларын қарап, оқиға орнынан сұрастыру жұмыстарын жүргізді.
Полицейлермен жүргізілген кешенді іздестіру шараларының нәтижесінде 2 сағат ішінде күдікті автокөлік анықталды. Көлік тізгіндеген жергілікті тұрғынға қатысты Қазақстан Республикасының Әкімшілік құқық бұзушылық туралы кодексінің 610-бабының 2 – бөлігімен (Көлiк құралдары жүргiзушiлерінiң жол жүрісі қағидаларын адамдардың денсаулығына зиян келтiруге, көлiк құралдарының немесе өзге де мүлiктiң бүлінуіне алып келген бұзушылығы) және 611-бабының 2-бөлігімен (Жүргізушінің жол жүрісі қағидаларын бұзып, өзi қатысушы болып табылған жол-көлiк оқиғасы болған жерден кетiп қалуы) әкімшілік құқық бұзушылық туралы хаттамалар толтырылды. Жасөспірімге медициналық көмек көрсетілді, оның өмірі мен денсаулығына қауіп жоқ.
Ізін суытпай күдікті автокөлікті анықтаған тәжірибелері мол, өз міндетін жауапты әрі қырағылықпен орындайтын қызметкерлер ел игілігі үшін қызмет еңбек етуде.
Айта кету керек, қоғамдық тәртіпті сақтау және жол қауіпсіздігін қамтамасыз ету, қылмыстың алдын алу және жолын кесу мақсатында Қызылорда облысы аумағында «Қауіпсіз жол» жедел алдын алу іс – шарасы өткізілуде.
Қызылорда облысы Полиция департаментінің баспасөз қызметі
Жылдам ақпарат алу үшін Facebook, Instagram желілері мен Telegram каналымызға жазылыңыз!