Қазақ Советтік Социалистік Республикасы Президентінің Жарлығы
Көктемгі халықтық Наурыз мейрамы туралы
Жалпыадамдық құндылықтарды орнықтыру, республика халықтарының достығы мен бауырластығын нығайту, ежелгі халық дәстүрлерін жандардыру, сондай-ақ адам мен табиғаттық үйлесіміне қол жеткізу, оның шынайы имандылық рухында ізгілікті тазаруы мақсатында қаулы етемін:
- Көктемгі күн мен түннің теңесу күні – наурыздың 22-сі халықтық мереке – Наурыз мейрамы болып жариялансын.
- Халық депутаттарының жергілікті Советтеріне климаттық жағдайларды ескере отырып халықтық мереке – Наурыз мейрамын өткізу күнін өз бетімен белгілеу ұсынылсын,
- Қазақ ССР Министрлер кабинетін мен халық депутаттары жергілікті Советтерінің атқару комитеттері көктемгі халық мерекесі – Наурыз меймарын әзірлеу мен өткізу жөніндегі қажетті шараларды жүзеге асырсын.
- Республика жұртшылығының 1991 жылғы наурыздың 16-сы мен сәуірдің 16-сы аралығында «Табиғат жарасымы» айлығын өткізу жөніндегі инициативасы қолдау тапсын.
- Бұқаралық хабарлама құралдары көктемгі халық мерекесі – Наурыз мейрамы мен «Табиғат жарасымы» айлығына дайындықтың барысы мен өткізілуін кеңінен жазып көрсетсін.
Қазақ Советтік Социалистік Республикасының Президенті
Н. Назарбаев
Алматы, 1991 жылғы наурыздың 15-і
Жылдам ақпарат алу үшін Facebook, Instagram желілері мен Telegram каналымызға жазылыңыз!