Осы жылдың 10 қаңтары тарих күнтізбесінде ойып тұрып орын алады. Өйткені, бүгін еліміз бойынша барлық жерлерде сайлау науқаны өткізілуде.
Қазақстан Республикасы Парламенті Мәжілісінің және жергілікті деңгейдегі мәслихат депутаттарының сайлауы жүйелі жалғасуда. Оған жергілікті қала тұрғындары таңертеңнен бері үздіксіз келіп, өз таңдауларын жасап жатыр.
Қала орталығында орналасқан №256 сайлау учаскесінде де келушілер қатары көп.
– Бұл – ел болашағы жолындағы таңдау деп есептеймін. Әрбіріміздің берген дауысымыз маңызды екенін ескеруіміз керек. Өзім зейнеткер болсам да таңертеңнен е келіп, көңілім қалаған партияға дауысымда беріп отырмын. Енді алдағысын уақыт көрсетеді. Сенім үдесінен шығады деп сенемін. Жерлестерімді дауыс беруге шақырамын. Өзің үшін, елің үшін таңдауыңды жаса. Бұл саған берілген мүмкіндік, – дейді ардагер Құттыбала Әбдуақиев.
Жылдам ақпарат алу үшін Facebook, Instagram желілері мен Telegram каналымызға жазылыңыз!