Жуырда қалалық мәслихаттың кезектен тыс сессиясы өтті. Сессия отырысына қала әкімі Ғ.Қазантаев пен орынбасарлары, мәслихат депутаттары, қалалық дербес бөлімдердің басшылары, кент және ауылдық округтердің әкімдері, бұқаралық ақпарат құралдарының өкілдері қатысты.
Сессияда қалалық бюджет, әлеуметтiк көмек көрсетусынды басқа да мәселелер қаралды.
Қалалық мәслихат хатшысы И.Құттықожаевтың төрағалығымен өткен жиында қалалық экономика және бюджеттік жоспарлау бөлімінің басшысы Г.Баймаханова хабарлама жасап, 2021-2023 жылдарға арналған қалалық бюджетке байланысты мәслихат шешіміне өзгерістер енгізу туралы ұсыныс білдірді. Мұнан кейін қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы К.Құрақбаева хабарлама жасады. Ол әлеуметтiк көмек көрсетудің, оның мөлшерiн белгiлеу және мұқтаж азаматтардың жекелеген санаттарының тiзбесiн айқындау қағидаларын бекiтуге арналған қалалық мәслихаттың шешiмiне өзгерістер енгiзу жайын сөз етті.
Сессияда қаралған мәселелер қалалық мәслихаттың тұрақты комиссиясының бірлескен отырысында алдын-ала талқыланғанын айта кеткен жөн.
Депутаттар Қызылжарма ауылдық округіне салынатын мектеп құрылысына бөлінген қаражаттың қайтарылуы, «Желтоқсан» оқиғасының 35 жылдығы қарсаңында қалада қойылатын ескерткіш, бос тұрған ғимараттар мен жер телімдерінің құжаттарын заңдастырып, мемлекет меншігіне алу сынды мәселелерді көтерді.
Жылдам ақпарат алу үшін Facebook, Instagram желілері мен Telegram каналымызға жазылыңыз!