«СК-Фармация» ЖШС басқарма төрағасы Ерхат Есқалиев қанша жалақы алатынын айтты, деп хабарлайды Stan.kz ақпарат агенттігі.
Орталық коммуникациялар қызметінде өткен брифингте журналистер еліміздегі дәрі-дәрмек сатып алатын бірыңғай дистрибьютордың басшысы айына қанша алатынын сұрады.
«Қолыма 1 404 000 теңге аламын», – деп ол қысқаша қайырды.
Өткен жылы Ерхат Есқалиев жалақысы 1 300 000 теңге екенін хабарлаған болатын.
Ол «СК-Фармация» ЖШС басшысы қызметіне Берік Шәріп қызметінен босатылғаннан кейін 2020 жылдың 12 шілдесінде тағайындалды.
Жылдам ақпарат алу үшін Facebook, Instagram желілері мен Telegram каналымызға жазылыңыз!