Бокс федерациясы Қазақстан құрамасының жаттықтырушылар штабының жаппай отставкаға кеткенін мәлімдеді. Бұл туралы Meta ratings сайты хабарлайды.
Бұл туралы ақпарат бокс федерациясының әлеуметтік желідегі парақшасында пайда болды.
“Бокстан Қазақстан ерлер ұлттық құрамасының Париждегі Олимпиада ойындарындағы төмен нәтижесіне байланысты келесі мамандардың қызметінен босатылғанын хабарлаймыз”, – делінген жазбада.
Тізім:
– Қазақстан бокс федерациясының вице-президенті – Әзиз Қожамбетов;
– Бас бапкер – Мырзағали Айтжанов;
– Аға жаттықтырушы – Марат Жакиев;
– Жаттықтырушылар – Нүркен Андасов, Нұржан Насанов, Ғани Әшкеев, Ермек Ертаев, Талғатбек Жақпеков, Зәкір Сафиулин, Азамат Мақажанов, Жәміл Жүсіп;
– Жаттықтырушы-кеңесші – Донатас Янусевичус.
Алайда ақпарат жарияланған соң бірнеше минуттан кейін бокс федерациясының ресми парақшасынан өшірілді.
Жылдам ақпарат алу үшін Facebook, Instagram желілері мен Telegram каналымызға жазылыңыз!