Бүгін, 8 тамызға қараған түні қазақстандық боксшы Нұрбек Оралбай Париж Олимпиадасында шешуші айқасын өткізеді, – деп хабарлайды msports.kz.
80 келіге дейінгі салмақ финалында ол украиналық Александр Хижнякпен алтын үшін айқасады. Басталуы Астана уақытымен 01:51. Жекпе-жекті «Хабар» арнасы тікелей көрсетеді, трансляция телеарнаның ресми сайтында қолжетімді.
Егер Нұрбек жеңсе, бұл бокстан Қазақстан қоржынына түсетін жалғыз алтын болады. Осыған дейін қазақстандық боксшылардан жалғыз қола жүлдені Назым Қызайбай ғана алды.
Жылдам ақпарат алу үшін Facebook, Instagram желілері мен Telegram каналымызға жазылыңыз!