UFC лигасының екі салмақ дәрежесіндегі бұрынғы чемпионы ирландиялық Конор Макгрегор мексикалық боксшы Сауль «Канело» Альваресті жекпе-жекке шақырды.
РИА Новости ұсынған ақпаратқа сәйкес, бұл туралы аралас жекпе-жек шебері әлеуметтік желісіндегі парақшасында жазған. «Канело, сен кіп-кішкентай шұжықсың. Сені қолдың көмегінсіз-ақ, ұратын едім. Бұны ұмытпа», – деді Конор Макгрегор. Айта кетейік, UFC лигасының екі салмақ дәрежесіндегі бұрынғы чемпионы 2021 жылдың шілдесінен бастап жекпе-жекке шықпаған. Ол Дастин Порьеге қарсы кездесуде аяғын сындырып, ұзақ уақыт емделді. Конор Макгрегордың келесі қарсыласы АҚШ өкілі Майкл Чендлер болмақ.
Жылдам ақпарат алу үшін Facebook, Instagram желілері мен Telegram каналымызға жазылыңыз!