Қазақстандық боксшы Нұрбек Оралбай Париждегі жазғы Олимпиада ойындарының финалына шықты. Отандасымыз жартылай финалда Доминикан Республикасының өкілі Кристиан Хавьер Пиналестен айласын асырды.
80 килоға дейінгі салмақта өткен жекпе-жекте отандасымыз шабуылда ширақ, қорғаныста мығым жұдырықтасты. Қарсыласына соққыларын дәл тигізіп, өз мүмкіндігін ұтымды пайдалана білді. Осылайша төрешілердің 3:2 шешімімен отандасымыз финалға жолдама алды.
Қолдаған қазақ еліне алғысымды айтамын. Мұнымен тоқтамаймыз. Алда финал. Ағайлардың айтуымен, тактикасымен бәрі ойдағыдай өтті. Қарсыласым осал болған жоқ, – деді жекпе-жек соңынан Нұрбек.
Нұрбек ұлттық құрама сапында жартылай финалға шыққан жалғыз боксшы.
Ақпарат көзі:Msports.kz
Жылдам ақпарат алу үшін Facebook, Instagram желілері мен Telegram каналымызға жазылыңыз!