Жамбыл атындағы №120 орта мектебінің дене шынықтыру пән бірлестігінің ұйымдастыруымен Қорқыт ата атындағы Қызылорда университетінің оқу ғимаратында Қазақстан Тәуелсіздігінің 30 жылдығына орай қаладағы мектеп мұғалімдерінің арасында шағын футболдан турнир өтті.
Оған қаладағы №120, №176, №173, №222, №261, №212, №9 және №136 мектептің командалары қатысты. Жарысқа қатысушылар 2 топқа бөлініп, бақтарын сынады. Топтан екінші болып шыққан №120 мектеп командасы мен №173 мектеп мұғалімдері ІІІ орын үшін ойнаса, І орынға №176 және №212 мектеп командалары таласты.
ІІІ орын үшін сайыста №173 мектеп командасы №120 мектеп командасынан басым түссе, І орынға тартыста Тасбөгеттегі №176 мектеп командасы №212 мектеп командасын 2:1 есебімен жеңіп, турнирдің жеңімпазы атанды. Турнирдің жабылу салтанатын Жамбыл атындағы №120 мектеп директоры А.Шамшатова жарыстың жеңімпаздары мен үздік ойыншыларын қалалық білім бөлімінің дипломдарымен марапаттап, турнирге тағайындалған медаль, кубок табыс етті.
Берік БАЙНИЯЗОВ,
№120 Жамбыл атындағы орта мектептің дене шынықтыру пәнінің мұғалімі
Жылдам ақпарат алу үшін Facebook, Instagram желілері мен Telegram каналымызға жазылыңыз!