Қала әкімінің орынбасары Асқарбек Есжанов Белкөл кентіндегі спорттық сауықтыру кешеніне барып, жас спортшылармен кездесті.
Кездесуде Асқарбек Темірбекұлы жасөспірімдерге кәмелетке толмағандардың құқықтарын, оның ішінде қылмыстық құқық бұзушылықтардан қорғау ел саясатының басым бағыттарының бірі екенін айтты.
Шара барысында психолог мамандар жастарға кеңес берді. Кездесуде шаһар басшысының орынбасары Грузия астанасы Тбилисиде онлайн форматта каратэ-додан Ката көрсету бойынша өткен Әлем кубогында жүлделі болған сортшыларды марапаттады. Халықаралық жарыста спорттық шеберліктерімен дараланған жасөспірімдерге жарыс қорытындысына сай сертификат беріліп, спортшыларды ынталандыру мақсатында қала әкімінің қолдауымен каратэ-доға арналған қорғаныс құралдары табысталды.
Қараша айының 20-сы мен 22-сі аралығында әлемнің үздіктері шеберлік сынасқан Грузиядағы бәйгеде жас спортшылардың 3-і алтын медаль иеленсе, 4 жасөспірім күміс медальді қанжығасына байлады. Ал 8 жасөспірім әлем кубогінде үздік үштікті түйіндеп, аймақ абыройын асырған болатын.
Жылдам ақпарат алу үшін Facebook, Instagram желілері мен Telegram каналымызға жазылыңыз!