Қызылордалық жедел уәкілдер есірткінің ірі партиясын сақтаған азаматты ұстады.
Жедел ақпарат бойынша “Қарасора – 2023” жедел алдын алу іс-шарасы аясында Қызылорда облысы ПД есірткі қылмысына қарсы іс-қимыл басқармасы ҚР Ұлттық ұланның “Бүркіт” арнайы мақсаттағы бөлімшесімен бірлесіп, ірі мөлшерде есірткі сақтаған Қызылорда қаласының тұрғынын ұстады.
Қылмысқа күдіктелген азаматтың тұрғылықты мекенжайынан екі үлкен қапқа салынған есірткі заттары, сондай-ақ полиэтилен пакеттер мен есірті салынған 19 литрлік пластик ыдыстар тәркіленді. Айғақ заттар жеке тұрғын үйдің ауласындаға иттің күркесінен, сондай-ақ үй бөлмелері мен шатырынан табылды. Сараптама қорытындысына сәйкес тәркіленген зат салмағы 6,7 келіден астам ірі мөлшердегі кептірілген марихуана болып шықты. Күдікті уақытша ұстау изоляторына қамалды. Аталған дерек бойынша ҚР ҚК-нің 297-бабымен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру әрекеттері жүргізіліп жатыр.
Жылдам ақпарат алу үшін Facebook, Instagram желілері мен Telegram каналымызға жазылыңыз!