Жылқылар белгісіз аурадан қырылып жатыр, – деп хабарлайды Massaget.kz.
Бұл мәселе Қарағанды облысы Бұқар жырау ауданындағы Төрткөл ауылында орын алуда. Жергілікті тұрғындар мамандар бұл мәселені қолға алмай отырғанын айтты.
Тұрғындар дертке шалдыққан малдарды бір қораға жинап, «оқшаулаған».
«Шенеуніктер келіп, зерттеу жүргізетінін айтты. Ал шын мәнінде олар бізге ұзақ уақыт бойы келмей, жақында ғана келіп, жылқылардан анализ алып, нәтижесін көрсету үшін әлі келмеді. Диагнозын айтпай отыр. Ветеринарларға бірнеше рет хабарласып, қағаз жүзінде диагнозы қандай екенін көрсетуді сұрадық. Бірақ шенеуніктердің бірде біреуі әлі келмеді. Жақында болған оқиға: қорада оқшауланып жатқан жылқы жақында өліп қалды. Малдар сүлдеге айнала бастады. Қорада паразиттер қаптап, саси бастады», – дейді Мәдениет тұрғыны.
Жергілікті тұрғындардың сөзінше, шенеуніктер өтемақы төлемеу үшін әдейі уақыт созып, келмей жүрген көрінеді. Тұрғындар биыл ақпан-наурызда төрт түлік малы лимфангит инфекциясын жұқтырғанын, оның өтемақысын әлі күнге дейін алмағанын айтады.
Қарағанды облысының әкімі Ермағанбет Бөлекпаев аудан әкіміне, сондай-ақ ветеринариялық бақылау басқармасының бастығы мен ауыл шаруашылығы басқармасының бастығына ауылға барып, заңға сәйкес түсінуді тапсырды.
«Бүгін ауданға барып, жағдайды түсініп, маған хабарлаңыз. Сіз маған жағдайды егжей-тегжейлі түсіндіріп бересіз», – деп тапсырды Ермағанбет Бөлекпаев.
Жылдам ақпарат алу үшін Facebook, Instagram желілері мен Telegram каналымызға жазылыңыз!