Қызылорда облысы бойынша ҚАЖ мекемелерінде 10 тамыз Абай Құнанбайұлының туған күніне орай темір торға қамалғандар арасында кемеңгердің еңбектерін дәріптеу мақсатында іс-шаралар өтті.Сондай іс- шараның бірін қауіпсіздігі барынша төмен мекемесінің тәрбие бөлімі ұйымдастырды. Қазақтың бас ақыны Абай Құнанбайұлының өмірі мен шығармашылығы туралы ақпараттар берілді.Сондай -ақ іс-шарада олар ақынның өлеңдерін мәнерлеп оқыса, енді бірі қара сөздерінің мағынасына бойлап, өз-өзін танып білді. Тіптен бір сотталған “Көзімнің қарасы ” әнін нақышына келтіре орындады. Ол абайсызда қылмыс жасап сотты болған.Өзінің айтуынша ақын өлеңдерін жатқа айтып,әндерін орындайды. Ақын қара сөздерін де жатқа айтып, мәні мен мағынасына да тоқталып өтті.
– Мен кітапханадан ақынның өлеңдер жинағын алып оқыдым. Ақынның “Жігіттер, ойын арзан, күлкі қымбат” және “Адасқанның алды –жөн, арты-соқпақ” деген өлеңдерінде айтылғандай, шынында да, мен арзан ойынға қызығып, қылмыс жасадым. Қисық соқпаққа түсіп, адасып кеттім. Енді міне, соның жазасын өтеудемін, – деп өз ісіне өкінетіндігін білдірді сотталған.
-Бүгінгі шарада сотталғандар ақынның табиғат лирикалары мен өнер-ғылымға арнаған шығармаларын нақышына келтіріп орындады. Абайдың қара сөздерін оқып, мән-мағынасын ашып, ойшыл ғұламаның сөздерінен ғибратты ой түйіндеді. Тағылымы мол тәрбиелік шарадан жазасын өтеушілер рухани азық алды.Алдағы уақытта да тәрбиелік мәні бар іс-шаралар жалғасын табатын болады,-деді жасақ бастығы әділет аға лейтенанты Жандос Жақаев.
Жылдам ақпарат алу үшін Facebook, Instagram желілері мен Telegram каналымызға жазылыңыз!