Солтүстік Кореяның көшбасшысы Ким Чен Ын Кореяның жұмысшы партиясының пленарлық мәжілісінде елде ашаршылық болу мүмкіндігі туралы айтты.
Оның айтуынша, су тасқыны салдарынан ел ауыр азық-түлік тапшылығына тап болуы мүмкін. Бұл туралы Солтүстік Кореяның мемлекеттік KCNA жаңалықтар порталы хабарлады.
– Халықтың азық-түлік жағдайы қазір қатты шиеленісіп отыр, өйткені өткен жылы тайфунның салдарынан аграрлық сектор астық өндіру жоспарын орындай алмады, – деді Ким Жұмысшылар партиясы орталық комитетінің отырысы кезінде.
Солтүстік Корея басшысы жоғары лауазымды шенеуніктерді проблемадан шығу жолдарын іздеуге шақырды.
1990 жылдары үлкен аштық мыңдаған солтүстік кореялықтың өмірін қиған.
Жылдам ақпарат алу үшін Facebook, Instagram желілері мен Telegram каналымызға жазылыңыз!