Үндістанда блогер қыз әлеуметтік желілердегі танымалдығының төмендеуіне байланысты өз-өзіне қол жұмсаған, деп хабарлайды Oinet.kz .
24 жастағы Миша Агравал 25 жасқа толған туған күніне дейін Instagram желісінде 1 миллион жазылушы жинауды армандаған. Алайда күткен өсімнің орнына оқырмандар азая бастады, мазасыз ойлар көбейіп, ақыры қайғылы жағдаймен аяқталды.
Жергілікті БАҚ-тың хабарлауынша, қыз контентіне деген қызығушылықтың төмендеуін ауыр қабылдаған.
Күн сайын оның парақшасына кіретіндер саны азайып, сонымен бірге өз-өзіне сенімі де жоғала бастаған.
Негізгі табыс көзінен айырылып қалудан қорқып, Миша тұйықталып, терең депрессияға түскен.
Туыстары әлеуметтік желілердің оның психикалық жағдайына қалай әсер ете бастағанын бірден аңғармаған.
Кейінірек олар қыздарынан келген ескертуші белгілерге мән бермегенін мойындады.
Қыздың денесі үйінің терезесінің астынан табылды.
Жылдам ақпарат алу үшін Facebook, Instagram желілері мен Telegram каналымызға жазылыңыз!