Бүгін Қызылорда қаласының астана мәртебесін иеленгеніне 100 жыл толуы мен «Қала күні» мерекесіне арналған іс-шараларды жоғары деңгейде ұйымдастыруға атсалысқан сала өкілдері марапатталды.
Марапаттау рәсіміне облыс әкімінің орынбасары Мейрамбек Шермағанбет қатысып, профессор-ғалымдарға, өнер және мәдениет саласының қызметкерлеріне, бұқаралық ақпарат құралдарының өкілдеріне, сондай-ақ мерекелік іс-шараларды өткізуге үлес қосқан түрлі сала мамандарына облыс әкімінің алғысын табыстады.
«Өздеріңізге белгілі, өткен аптада халқымыздың тарихи «қазақ» атауының қайтарылғанына, Қызылорда қаласының астана мәртебесін иеленгеніне 100 жыл толу мерейтойы мен «Қала күні», «Алтын күз» мерекелеріне орай өңірімізде бірқатар ауқымды іс-шаралар аталып өтілді.Осы күндері мәдениет, ақпарат, қызмет көрсету және өзге де салаларда еңбек еткен азаматтар өз жұмысына жоғары жауапкершілікпен қарап, мерекелік шаралардың жоғары деңгейде өтуіне үлес қосты. Баршаңызға шығармашылық табыс пен жаңа жетістіктер тілеймін»,- деді Мейрамбек Зинабдинұлы.
Марапат иелерінің еңбегі лайықты бағаланып, өңірдің мәдени, әлеуметтік және қоғамдық өмірін дамытуға қосқан ортақ үлесі ерекше атап өтілді.
Бұл құрмет олардың табанды еңбегі мен ел дамуына сіңірген қызметінің нақты бағасы ретінде берілді.
Жылдам ақпарат алу үшін Facebook, Instagram желілері мен Telegram каналымызға жазылыңыз!