Жексенбі, 25 ақпан, 11:27

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№16 (2026)
24.02.2024
PDF мұрағаты

Волейболшы Сабина Алтынбекованың үстінен арыз түсті

11.10.2023

327 0

Аты әлемге танымал волейболшы Сабина Алтынбекованың басы дауға қалды. Спортшының курсын сатып алып, бірақ көңілі толмағандар ақшасын талап етіп жатыр. Тіпті, бір адам полицияға арыз түсіріпті, деп хабарлады turkystan.kz КТК телеарнасына сілтеме жасап.

Танымал спортшы биыл мамыр айында қыздар қауымына арналған қауымдастық құратынын жариялаған. Маусымда тәлімгер курсын ашып, сатылымға шығарады. Кейбір мәліметтерге сәйкес, оның бағасы 290 мың теңге болыпты. Шамасы жетпегендер тіпті несиеге сатып алған. Негізі, мұндай курстың мақсаты – жетістікке жеткен тұлғалар тәлімгерлерге өз тәжірибесімен бөліседі.

Алайда бір айға жетпей Сабинаның курсына кейбір қыздардың көңілі толмай шықты. «Ақшасы мен берген білімі мүлдем сай емес» деп шулап, ақырында қаражатты қайтаруын талап етеді. Бірақ табысы тәуір спортшылар қатарындағы Сабина Алтынбекованың өзі оған басын қатырғысы келмейтін сыңайлы. Ақпарат құралдарында спортшының менеджері «тиісті қызмет көрсеттік, курс ақысы қайтарылмайды» деп айтқан.

«Алматы ПД бұл дерек бойынша Р. есімді азаматтың арызы Түрксіб ауданы полиция басқармасына 6 қазанда келіп түскенін хабарлады. ҚР ҚІЖК 179-бабының талаптарын негізге ала отырып, тараптар арасында шарттық қатынас болуын ескере отырып, Р. есімді азаматқа азаматтық-құқықтық тәртіпте сотқа жүгіну ұсынылды», – дейді Алматы қаласы ПД ресми өкілі Салтанат Әзірбек.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: