Ж.Нұрсейітов атындағы №233 орта мектебінде «Кітап оқы, ойға тоқы – Читай и размышляй» атты қазан-сәуір айы аралығында ұйымдастырылған кітап оқу сайысының жеңімпаздары анықталды.
Оқушылардың кітап оқуға деген қызығушылығын арттыру, олардың ой-өрісін кеңейту, сөздік қорын дамыту мақсатында ұйымдастырылған сайысқа әр сыныптан оқуға бейім, белсенді оқушылар қатысты. Қатысушылар алдын ала берілген көркем шығармаларды оқып, сол кітаптар бойынша кейіпкерлерге талдау жасап, шығарманың негізгі идеясын аша білді.
Кітап оқу сайысы екі кезең бойынша өтті. Алқашқы кезеңде оқушылар тест тапсырса, екінші кезеңде сұрақ-жауап арқылы білімдерін дәлелдеді. Сайыс барысында оқушылар тапқырлықтарын және шығармашылық қабілеттерін көрсете білді. Әсіресе, кейіпкерлерге мінездеме беру мен шығарманың тәрбиелік мәнін түсіндіруде ерекше белсенділік танытты.
Сайыс қорытындысы бойынша үздік оқушылар марапатталды. Бас жүлдеге бастауыш, орта буын және жоғары сынып оқушыларына велосипед табысталды. 1, 2, 3 орын иегерлеріне сыйлықтар беріліп, белсенді қатысушыларға мектеп директорының алғыс хаттары табысталды.
Бұл іс-шара оқушылардың кітапқа деген сүйіспеншілігін арттырып қана қоймай, олардың сыни ойлау қабілеттерін дамытуға, өз ойын еркін жеткізуге үлкен ықпал етеді. Осындай тәрбиелік мәні зор іс-шаралар алдағы уақытта да жалғасын табады.
«Ақмешіт-ақпарат»
Жылдам ақпарат алу үшін Facebook, Instagram желілері мен Telegram каналымызға жазылыңыз!