Биыл көктемде ұзатылған Жанар Дұғалованың жүкті екені белгілі болды. Бұл туралы Stan.kz ақпарат агенттігі хабарлайды.
Әлеуметтік желіде Жанар Дұғалованың Алматыда Республика сарайының алдында өнер көрсеткен видеосы тарады. Видеодан әншінің жүкті екенін байқауға болады.
Аяғы ауыр болса да, сахнада еркін қозғалып, жанын салып ән шырқаған Жанар Дұғалова көпшілікті таңғалдырды.
“Біз жай сөйлегенде ентігіп қаламыз. Жанар мықты ғой”, “Керемет, жарайсың Жанар”, “Жүкті болса да шауып жүру әркімнің қолынан келе бермейді”, “Аяғы ауыр болса да, сахнаны жарды”, – деп жарыса жазды желі қолданушылары.
Желідегілер енді Кәмшат Жолдыбаеваның ана болғанын көргісі келетіндерін жасырмады.
Жылдам ақпарат алу үшін Facebook, Instagram желілері мен Telegram каналымызға жазылыңыз!