«Мұғалімдердің жалақысы 30 процентке қысқармақ»: Желіде тараған бұл ақпарат қазақстандықтардың наразылығын туғызды. Қазақстандықтар WhatsApp желісінде жаңа жылда мұғалімдердің жалақысы қысқартылатыны туралы хабарлама таратып жатыр. Ақпаратта жаңартылған бағдарлама бойынша оқытудың 30 пайызына тең қосымша ақы алынып тасталатыны жайында айтылған, деп хабарлайды Stan.kz ақпарат агенттігі.
«Мемлекет өзінің бет-бейнесін көрсетіп қойды. Жаңа жылдан бастап мұғалімдердің жалақысы 25 пайызға көтеріледі. Бірақ олардың жаңартылған ақысын алып тастайды, яғни 30 пайызын азайтады», – дейді жазба авторы.
Шу туғызған ақпаратқа Білім және ғылым министрлігі түсінік берді. Басқарма жаңартылған білім мазмұны бойынша қосымша төлем бұрынғыдай төленетінін атап өтті.
Жылдам ақпарат алу үшін Facebook, Instagram желілері мен Telegram каналымызға жазылыңыз!