Алматының қылмыстық соты билікті басып алуды насихаттады деп айыпталған жеті күдіктіге қатысты істі қарады. Бұл туралы Stan.kz ақпарат агенттігі хабарлайды.
Соттың мәліметінше, күдіктілерге жаппай тәртіпсіздікке шақыру, экстремистік топ құру, сондай-ақ қару-жарақ, оқ-дәрілер мен жарылғыш заттарды сақтау арқылы билікті басып алуға насихаттағаны үшін айып тағылған.
«Сот айыпталушылар А., К., Т., О., Н. және К. 2022 жылдың сәуір айынан қараша айына дейін билікті күштеп басып алуға жария түрде шақырған көптеген жиналыстарға қатысып, жаппай тәртіпсіздік ұйымдастыру, сондай-ақ билік өкілдеріне қарулы қарсылық көрсету секілді құқық бұзушылық мәселелерін талқылағанын анықтады», – делінген сот хабарламасында.
Прокурор барлық айыпталушыларды кінәлі деп тауып, оларға әртүрлі мерзімге – 3 жылдан 15 жылға дейін бас бостандығынан айыруды сұрады.
Сотталушылар кінәларын мойындаған жоқ.
“Сотталушылардың қылмыстық әрекеттері арнайы шаралардың нәтижелерімен, куәлардың айғақтарымен, сотталушылардың хаттарымен дәлелденеді”, – делінген хабарламада.
Нәтижесінде сот барлық күдіктілерді кінәлі деп тапты. Үш айыпталушы 6 жылға, тағы үшеуі 5 жылға бас бостандығынан айырылды. Біреуі 3 жыл 4 айға шартты түрде бас бостандығынан айырылды.
«Қылмыстық істі қарау барысында сот айыпталушылардың әрекетінде экстремистік топ құру, оған жетекшілік ету және оған қатысу белгілерін анықтаған жоқ, осыған байланысты олар бұл айыптау бойынша ақталды», – делінген сот хабарламасында.
Жылдам ақпарат алу үшін Facebook, Instagram желілері мен Telegram каналымызға жазылыңыз!