Қазақстанда онлайн курс сатып, пайда табатын блогерлерден енді диплом талап етіледі. Бұл туралы Үкімет басшысы Олжас Бектеновтің сенаторларға берген жауабында жазылған, – деп хабарлайды kursiv.media
Бектеновтің сөзінше, ақпарат саласында киберқауіпсіздікті күшейту бағытында Әкімшілік кодекске онлайн-платформалар және масс-медиа мәселелері бойынша өзгерістер мен толықтырулар енгізу туралы» заң жобалары әзірленген. Аталған заң жобаларына бірқатар жаңа нормалар енгізілген.
Атап айтқанда, ел аумағында онлайн-платформа өкілдігінің онлайн-платформада құқыққа қайшы контентті жою жөніндегі уәкілетті органның нұсқамаларын орындамағаны үшін әкімшілік жауапкершілікті енгізіледі.
«Белгілі бір салада білім беру курстарын және (немесе) оқыту материалдарын қамтитын контентті тарататын онлайн-платформа пайдаланушыларына мұндай контентті тиісті білімі бар екендігі туралы хабарламамен, диплом және (немесе) сертификат деректерін көрсете отырып сүйемелдеу міндетін белгілеу көзделеді», – делінген жауапта.
Қаңтар айында заң жобалары Үкіметтің заң шығару жұмысының қағидаларына сәйкес мүдделі мемлекеттік органдарға келісуге жіберілген.
Жылдам ақпарат алу үшін Facebook, Instagram желілері мен Telegram каналымызға жазылыңыз!