Жаңақорған аудандық қоғамдық даму бөлімі мен “Асыл мұра-Орда” қоғамдық қорының ұйымдастыруымен теолог Далелхан Оспановпен бірқатар кездесулер өтті.
2026 жылғы 30 наурыз күні Жаңақорған ауданында белгілі теолог Далелхан Оспановтың қатысуымен мазмұнды кездесулер ұйымдастырылды. Іс-шаралар аясында спорт, білім және құзырлы орган салаларының мамандары, сондай-ақ жастар мен ауыл тұрғындары қамтылды.
Кездесулердің негізгі мақсаты – қоғамда рухани-адамгершілік құндылықтарды насихаттау, діни сауаттылықты арттыру және жастар арасында дұрыс дүниетанымды қалыптастыру болды. Теолог өз сөзінде қазіргі қоғамдағы діни ахуал, радикалды идеологиялардың алдын алу, ұлттық дәстүр мен діннің сабақтастығы туралы кеңінен тоқталды.
Іс-шара барысында қатысушылар өздерін толғандырған сұрақтарын қойып, ашық пікір алмасу алаңы қалыптасты. Әсіресе жастар тарапынан белсенділік жоғары болып, түрлі тақырыптарда мазмұнды сұхбат өрбіді.
Мамандар мен тұрғындар мұндай кездесулердің маңыздылығын атап өтіп, қоғамдағы тұрақтылық пен бірлікті нығайтуға оң ықпал ететінін жеткізді.
Жаңақорған ауданында өткен бұл кездесулер тұрғындардың рухани дамуына серпін беріп, өзара түсіністік пен сенімді арттыруға бағытталды.
Жылдам ақпарат алу үшін Facebook, Instagram желілері мен Telegram каналымызға жазылыңыз!