Халық балуаны Қажымұқан Мұңайтпасұлын еске алуға арналған қазақ күресінен 2006-2008 жылы туылған жастар арасындағы дәстүрлі республикалық турнир биыл 14-ші рет өткізілуде.
Бүгін жарыстың ашылу салтанатына қатысқан қала әкімінің орынбасары Ділмұхамед Абызов спортшыларға сәттілік тіледі.
-Бұл бәсеке – темір қанат түлектер үшін жеңістің баспалдағы. Өйткені осы додадан жеңімпаз атанғандар Азия мен Әлемді мойындатып, көк туымызды желбіретуде. Сондықтан турнирге қатысушы спортшыларымызға тек жеңіс тілейміз, – деді Ділмұхамед Мінуәрбекұлы.
Турнирге еліміздің әр өңірінен келген 9 команда, 200 спортшы қатысуда. Спортшыларды қолдауға арнайы Қажымұқан Мұңайтпасұлының немересі Нұрлан Айдарұлы келді.
Айта кету керек, жеңімпаздарға ҚР-ның спорт шеберіне кандидат атағы беріледі. Сондай ақ, қала әкімінің арнайы дипломдары мен медальдары және қаржылай сыйақылары табысталады.
Жылдам ақпарат алу үшін Facebook, Instagram желілері мен Telegram каналымызға жазылыңыз!