Паралимпиада тарихында Қазақстан алғаш рет дзюдодан медаль иеленді. Әнуар Сариев Токиодағы Паралимпиада ойындарында 60 келіге дейінгі салмақ дәрежесі бойынша күміс жүлде иегері атанды
Қазақстандық пара дзюдошы финалда Әзірбайжандық Вугар Ширинлиге қарсы тартысты бәсеке көрсетіп, вазари есебімен теңесіп келе жатқан болатын. Алайда сайыстың бітуіне 30 секунд қалғанда әзірбайжандық палуан тағы бір вазари ұпайын алып, таза жеңіске жетті.
Осылайша Әнуар Сариев Қазақстан тарихында паралимпиадада жүлделі орын иеленген және Токио паралимпиадасының күміс жүлдегері деген атаққа иемденді.
Жылдам ақпарат алу үшін Facebook, Instagram желілері мен Telegram каналымызға жазылыңыз!