Спорттық секция жетекшілерінің жалақысына қосымша 17 мың теңге үстемақы төленбек.
иылдан бастап мектеп қабырғасындағы спорттық секцияны өткізетін дене шынықтыру пән мұғалімдеріне қосымша үстемақы төленеді. Бұл туралы ҚР Білім және ғылым министрі Асхат Аймағамбетов мәлім етті, деп хабарлайды ҚазАқпарат.
«Спорттық секциялар ашып балалар спортын дамытамыз дейміз, бірақ оның екінші жағы бар. Оны жүргізетін адамның еңбегін ұмытпаған жөн. Сондықтан да спорттық секция жетекшілерінің жалақысына қосымша 17 мың теңге үстемақы төленеді. Балаларға арналған спорттық секция аптасына 3 рет өтіп тұруы тиіс. Оны мектептің дене шынықтыру пәні жүргізеді. Бұған дейін спорттық секциялар тегін түрде өткізілетін, ендігі уақытта оған қосымша үстемақы төленеді. Оқуышыларда таңдау болу үшін спорттың барлық түрін қамтуға тырысамыз. Оның ішінде футбол, волейбол, баскетбол, шахмат және тағы басқа. Сондай-ақ, ұлттық спорт түрлері де бар», – деді А. Аймағамбетов елордада өтіп жатқан ұлттық мектеп спорт лигасы барысында.
Мининстрдің айтуынша, аталған жаңашылдық биыл қыркүйек айынан бастап қолға алынды.
«Біздің мақсат – балаларды көптеп спортқа тарту, баулу. Спортты ілгерілетуге қатысты жұмысты Мәдениет және спорт министрлігімен бірлесіп жүргізетін боламыз», – дейді ол.
Жылдам ақпарат алу үшін Facebook, Instagram желілері мен Telegram каналымызға жазылыңыз!