Бөдене жұмыртқасының емдік қасиетін адамдар ерте кездерден бастап-ақ білген. Оның денсаулыққа пайдасын алғаш рет зерттеген жапондықтар болған. Бөденені олар Қытайдан алдырған. Ал, қытайлық емшілер мұны ежелгі кезден халықтық медицинада емге пайдаланған әрі оны құпия ұстаған. Жапондықтар бөдене жұмыртқасының емдік қасиетін зерттеп, жүйке жүйесі мен зеректік қабілетті арттыратынын анықтады.
Жалпы бөдене сальмонеллез және өзге де жұқпалы инфекциялық аурулармен ауырмайды екен. Сондықтан оның жұмыртқасын шикі күйінде пайдалана беруге болады. Қабығының 90 пайызы кальций карбонатынан тұрады. Енді, бөдене жұмыртқасының дертке қалай пайдалану керектігі жөнінде кеңестерді ұсынамыз.Аурудың алдын алғыңыз келсе…Жұмыртқаны үлкендермен қатар балалар үшін де пайдалану қауіпсіз саналады. Оны шикі күйінде таңертең ашқарынға тамақтан 30 минут бұрын, артынан су немесе шырын ішеді. Ешқандай аллергиялық жағдай туғызбайды.Қолданылуы: 1 жастан 3 жасқа дейін күніне – 1-2 жұмыртқа; 3 жастан 8 жасқа дейін күніне – 2-3 жұмыртқа; 8 жастан 12 жасқа дейін күніне – 3-4 жұмыртқа, 12 жастан 18 жасқа дейін күніне – 4 жұмыртқа, 18 жастан 50 жасқа дейін күніне – 5-6 жұмыртқа, 50 жас және одан жоғары күніне – 4-5 жұмыртқа. Емдік курс жүйелі түрде үздіксіз 3-4 айға жалғасады. Екі аптадан соң-ақ нәтижесі біліне бастайды. Жұмыртқаны ботқаға, картоп езбесіне, қуырып, сорпа немесе шырындармен араластырып пайдалана аласыз. Дегенмен мұндай уақытта оның құрамындағы пайдалы заттар құндылығы төмендейді.Аллергияға қарсыБұл емдік тәсіл балаларға арналған. Үлкен жастағы аллергия дерті мазалайтын науқас жандарға да жарайды. Жұмыртқа құрамындағы өте пайдалы микроэлементтер мидың дамуына жақсы әсер ететіндіктен жас өскіннің ұғымтал, зерек болып өсуіне ықпал етеді. Ол үшін: шикі жұмыртқаны аздап тұздап, балаға береді. Артынан жылы су ішеді.Демікпеге дес бермейдіЖұмыртқаны балмен араластырып, таңертең (1 дана) және кешке (2 дана) астан 3 сағат бұрын ішеді. Пайдалану мерзімі 40 күн. 14 күн демалып емді қайта жалғастырады.Дәрі-дәрмектіалмастыра аладыБолгар зерттеушілері бөдене жұмыртқасы «Виагра» таблеткасын алмастыра алады деген тоқтамға келіп отыр. Олар «Жастық шақ» деген коктейль ойлап тапқан. Оны былай дайындайды: 120 гр. кола, 20 гр. коньяк немесе ром, 1 тілім лимон, шай қасық шекер, 2 бөдене жұмыртқасы. Қоспаға газдалған су қосады.Артрит, остеохондроз, ревматизм4-5 жұмыртқаны жарып, стақанға салып, үстіне сірке эссенциясын құяды. Екі күн қояды, бірақ қоспаны араластырмайды. Екі күн өткен соң қоспаға 100 гр. тұздалмаған сары май қосып, жақсылап қозғайды. Дайын болған майды ауырған жерге жағады.Асқазанға да шипаЖұмыртқаның қабығын майдалап, үгітеді. 1-3 шай қасық жұмыртқа ұнтағын тілдің үстіне салып, артынан көп көлемде су ішеді. Мұны күніне 2 рет жасайды. Нәтижесі көп күттірмейді.Баладағы диатезге қарсыЛимонды жуып, дәнінен ажыратып, бір тілімін алады. Үстіне бөдене жұмыртқасының ұнтағын үгітіп, себеді. Науқас балаға күніне бірнеше рет береді.Бөдене жұмыртқасы әсіресе, егде жастағы қарт адамдарға пайдалы. Буындағы ауырсынуды басады, есту мен көру қабілетін арттырады. Науқастың ыстығы көтерілгенде мынадай шипалық дәрмек жасаған: 100 мл. араққа 5 жұмыртқа, 1 ас қасық шекер қосып, араластырып, емге қолдануға болады.
Жылдам ақпарат алу үшін Facebook, Instagram желілері мен Telegram каналымызға жазылыңыз!