Қызылорда қаласы өзінің бай тарихымен және мәдени мұрасымен танымал. Сырдария өзенінің жағасында орналасқан бұл қала өз табиғи сұлулығы мен тарихи ескерткіштері арқылы туристерді қызықтырады. Қызылорданың көрікті жерлері мен тарихи орындары туралы толығырақ тарқатқанды жөн көрдік.
Қорқыт ата кесенесі
Қаланың танымал тарихи орындарының бірі – Қорқыт ата кешені. Қорқыт Ата – түркі халқының ұлы ойшылы, қобызшысы және философы. Қаладан 18 шақырым жерде орналасқан. Кешенде мұражай, амфитеатр және тарихи тұлғаның қабірі бар. Мұнда серуендеп келгендер Қорқыт атаның өмірі мен шығармашылығы туралы мәліметпен танысады.
Сырдария өзені
Сырдария өзені сыр өңіріне таңғажайып табиғи көрік береді. Бұл өзен қала тұрғындары мен қонақтары үшін сүйікті демалыс орны. Өзен бойында серуендеу, қайықпен жүзу және балық аулау көңіл жадыратады. Айналасына орналасқан саябақтар мен демалыс орындары табиғат аясында тыныш демалуға мүмкіндік береді.
Байқоңыр ғарыш айлағы
Байқоңыр ғарыш айлағы – әлемге танымал ғарыш кешені. Кешеннің тарихы мен қазіргі жағдайы туралы көбірек білу үшін арнайы турларға қатысуға болады. Бұл жерде ғарыш кемелерінің ұшырылуын көріп, ғарыш тарихымен жақынырақ танысып, ғажап көрініске куә болады.
«Әулие Сарайшық» қалашығы
Қаладан 200 шақырым жерде орналасқан Әулие Сарайшық қалашығы – ортағасырлық қала орны. Бұл жерде археологиялық қазба жұмысы жүргізіліп, зерттелуде. Қалашықтың орнында ежелгі қала мәдениетінің үлгілері мен археологиялық жәдігерлер табылған.
Қызылорда – тарихы бай және мәдени мұрасын сақтап келе жатқан әсем қаланың бірі. Оның көрікті жері мен тарихи орындары елдің өткені мен бүгініне терең бойлауға мүмкіндік береді. Қорқыт ата кешені, Сырдария өзені, Байқоңыр ғарыш айлағы және Әулие Сарайшық қалашығы сияқты маңызды орындар туристер мен жергілікті тұрғындар үшін ерекше тартымды. Бұл қаланың бай тарихы мен табиғи сұлулығы әрбір келушіні өзіне баурап алады. Қызылордаға саяхат жасау арқылы Қазақстанның тарихын, мәдениетін және табиғатын тереңірек түсініп, рухани байып қайтуға болады. Осылайша, Қызылорда Қазақстанның мәдени – тарихи жауһары ретінде өз орнын айқын көрсетеді.
Дильназ Молдабаева,
Қорқыт ата университетінің I курс студенті
Жылдам ақпарат алу үшін Facebook, Instagram желілері мен Telegram каналымызға жазылыңыз!