АҚШ президенті Дональд Трамп әлемнің барлық елдерінен келетін тауарларға 10 пайыздық кедендік баж салығын енгізу туралы жарлыққа қол қойды. Жарлық 24 ақпанда күшіне енеді, – деп хабарлайды kursiv.media
«Әлемнің барлық елдерінен келетін тауарларға 10% мөлшерінде жаһандық баж салығы дәл қазір күшіне енетінін хабарлаймын. Бұл мен үшін үлкен құрмет», – деп жазды Трамп Truth Social әлеуметтік желісінде.
Reuters агенттігінің хабарлауынша, Трамп жоғарғы сот алып тастаған тарифтерді тез арада уақытша 10 пайыздық баждармен алмастырған. Бұл баждар 150 күнге арналған. Сондай-ақ, ол басқа заңдарға сәйкес жаңа тергеулер жүргізуді тапсырған және тарифтерді қайта енгізу мүмкіндігін қарастырған.
Жаңа баждар 1974 жылғы Сауда заңының 122-бөліміне сәйкес 24 ақпанда күшіне енеді. Олар 1977 жылғы Экономикалық төтенше құқықтар туралы заңға сәйкес енгізілген 10–50% аралығындағы баждарды ішінара алмастырады. Бұл заңды Жоғарғы сот заңсыз деп таныған және тыйым салынған баждарды алып тастауды қамтамасыз етеді.
Сондай-ақ Трамп 2025 жылдың басынан бері әлем бойынша енгізген сауда баждарын заңсыз деп таныған Жоғарғы сот шешімін сынады.
«Жоғарғы соттың тарифтер туралы шешімі мені ренжітті десем болады. Ел үшін дұрыс дұрыс қадам жасауға батылы жетпеген кейбір судьялар үшін ұяламын, мүлде ұят», – деді Трамп.
Трамп жоғарғы сотты ешқандай дәлелсіз «шетелдік мүдделер мен ойлағанымыздан әлдеқайда аз саяси қозғалыстың ықпалына берілді» деп айыптады.
Айта кетейік, америкалық Mars компаниясы Алатау қаласында жаңа зауыт салмақшы. Тоқаев АҚШ-қа ресми сапары кезінде осындай келісімге қол қойылды.
Жылдам ақпарат алу үшін Facebook, Instagram желілері мен Telegram каналымызға жазылыңыз!