Бүгін «Алтын дән-2023» іс-шарасы аясында Қызылорда қаласында барлық аудандардың қатысуымен ауыл шаруашылығы өнімдерінің жәрмеңкесі өтті.
Жәрмеңкеде Сыр диқандары мен шаруалар өндірген өнімдерін төмен бағада ұсынды.
“Тағзым” алаңындағы жәрмеңкеде қалаға қарасты кент пен ауылдық округтер, қаланың ауыл шаруашылық құрылымдары, қала кәсіпкерлері және «Байқоңыр» ӘКК» ҰҚ» АҚ тарапынан барлығы 120 тонна ауыл шаруашылығы өнімдері жеткізілді.
Атап айтқанда, 9 тонна ет өнімдері, 5 тонна балық, 15 тонна қауын мен қарбыз, 12 тонна асқабақ, 23 тонна картоп, 22 тонна сәбіз, 18 тонна пияз, 15 тонна көкөніс пен жеміс өнімдері қала тұрғындарына базар нарығынан 15-20 пайыз арзан бағада ұсынылды.
Жылдам ақпарат алу үшін Facebook, Instagram желілері мен Telegram каналымызға жазылыңыз!