Күзде вирустарды жұқтыру қаупі артады, иммунитет жазғы режимнен қысқы режимге ауысады. Бұл өз кезегінде респираторлық инфекциялармен аурушаңдық санының артуымен бірге жүреді.
СOVID-19 тыныс алу жолдарының – ЖРВИ, энтеровирус, ротавирус, тұмау сияқты маусымдық инфекция деп болжанады.
Күн сайын бүкіл әлемде коронавирустық инфекция ауруы тіркеледі. COVID-19 тұмау сияқты, әртүрлі ауырлық дәрежесінде болуы мүмкін. Ол клиникалық белгілерімен немесе симптомсыз да өтеді. Алайда асқынулар болған жағдайда өлім қаупін де жоққа шығаруға болмайды. Сондықтан СOVID-19-ды зиянсыз суық тиюден ажырата білу және оны уақтылы диагностикалау маңызды.
Халықтың COVID-19 қауіп төндіретін тәуекел топтары әлі де бар. Бұл иммунитеті төмен, созылмалы аурулары бар науқастар, жүкті әйелдер. Сондықтан инфекциядан қорғанудың қарапайым шараларын елемеуге болмайды. Қызылорда облысының санитариялық-эпидемиологиялық бақылау департаменті жіті респираторлы вирусты инфекциялардың эпидемиологиялық маусымы кезінде келесідей сақтық шараларын орындауды ұсынады:
- жеке бас гигиенасын сақтау:
- адам көп жиналатын орындарға мүмкіндігінше баруды шектеу;
- нашар желдетілетін орындарда бетперде киіп, әлеуметтік арақашықтықты сақтау;
- қолды жиі сабынмен жуып, антисептик пайдалану;
- үй-жайларға ылғалды тазалау жұмыстарын жүргізу, ауа алмастырып отыру;
- ауру белгілері байқалған жағдайда, өз бетімен емделмей, дәрігер көмегіне жүгіну;
- ауруға қарсы екпе алу.
Қалай болғанда да, біздің саламаттылығымыздың кепілі көбінесе денсаулығымыз үшін жауапкершілікте болады. Сақтық шараларына салғырт қарамау – өзіңізді және жақындарыңызды COVID-19-дың ауыр ағымынан қорғаудың ең сенімді жолы. Бұл вирустың таралу ықтималдығын төмендететінін және ауру кезінде асқыну қаупін едәуір азайтатынын есте ұстау маңызды.
Динара Жанабергенова
Қызылорда облысының санитариялық-эпидемиологиялық бақылау департаментінің басшысы
Жылдам ақпарат алу үшін Facebook, Instagram желілері мен Telegram каналымызға жазылыңыз!