Танымал заңгер Анна Чернова Бишімбаевтың ісіне қатысты президентке үндеу жасады. Бұл туралы Stan.kz ақпарат агенттігі хабарлайды.
Заңгер Анна Чернова әлеуметтік желідегі парақшасында Бишімбаевқа кешірім беру туралы президент жарлығының күшін жоюды сұрап жазба жариялады.
“Сот оны кінәлі деп тауып, 10 жылға сотталды. Артынша Бишімбаев кешірім сұрады. Президент оның өтінішін қанағаттандырып, жазасын 10 жылдан 4 жылға дейін қысқартып, кешірім жасау туралы Жарлық шығарды. Содан кейін сот оны шартты түрде бостандыққа жіберді. Енді осы жағдайды егжей-тегжейлі қарастырайық. Президенттің кешірім жасау туралы жарлығы Қазақстан Республикасы президентінің жанындағы Кешірім жасау мәселелері жөніндегі комиссияның шешімі негізінде шығарылады. Бұл комиссия алдымен сотталған адамның өтінішін қарайды, өз шешімін шығарады, содан кейін ғана президенттің өзі кешірім жасау туралы өтінішті қарайды. Комиссия оң шешім қабылдауы үшін бекітілген белгілі бір ережелер мен шарттар бар. Бір өтініш жеткіліксіз. Тиісті құжаттар тізімі де бар. Біз қандай құжат қажеттігін білмейміз”, – дейді заңгер.
Адвокаттың сөзінше, президенттің жарлығын тек президент жоя алады.
“Енді қоғамды әбден алаңдататын басты сұрақ: «Президент жарлығының күшін жоюға бола ма?». Құқықтық актілерді зерделей келе, президент жарлығының күшін президенттің өзі жоя алады деген қорытынды шығардық.
«Қазақстан Республикасының Президенті туралы» Конституциялық заңға сәйкес, 24-бапта Республика президентінің жарлықтарының күшін жою Республика президентінің жарлықтарымен жүзеге асырылады деп көрсетілген. Егер Бишімбаев 2028 жылға дейін түрмеде отырса, онда бұл қайғылы оқиға болмас еді. Осыған орай, құрметті Қасым-Жомарт Кемелұлы @tokayev_online, сізден, Президенттің 2019 жылғы 13 ақпандағы Қ.Бишімбаевқа кешірім жасау туралы жарлығының күшін жоюды қарастыруыңызды сұраймын”, – деп жазды ол.
Жылдам ақпарат алу үшін Facebook, Instagram желілері мен Telegram каналымызға жазылыңыз!