Фото: stan.kz
Қостанай облыстық қылмыстық істер жөніндегі мамандандырылған ауданаралық сотында өткен аптада 17 жастағы Сергей Васюренко мен Әлішер Әбуівке қатысты қылмыстық іс аяқталды. Сотталушылардың жасы кәмелетке толмағандықтан сот отырысы жабық өтті. Үкім 21 қарашада шықты. Бұл жөнінде Stan.kz ақпарат агенттігі хабарлайды.
Сот отырысы барысында сотталушыларға үш эпизод бойынша айып тағылғаны белгілі болды, олардың ішіндегі ең қорқыныштысы соңғысы. Іс материалдарына сәйкес, 2022 жылғы 18 қазанда Васюренко 8 наурыз көшесінің бойында тұрған көліктің жанынан Вишнякова жоғалтқан телефонды тауып алады. Содан кейін Әбуевпен бірге телефон құлпын ашып, «Халық банкі» қосымшасына кіріп, Әбуівтің картасына 49 000 теңге аударған. Ал телефонды орталық базарда сатып жібереді.
Екінші эпизод 2023 жылдың 1 қаңтарында болған. Сотталушылар жәбірленуші Фаткулиннің ақшасын алаяқтық жолмен ұрлап кеткен.
“Васюренко басқа адамдармен алдын ала келісе отырып, психотроптық заттарды өткізу бойынша әрекетке еліктеп, Фаткулинмен хат жазысқан.Олар кептірілген марихуана ұсынған, ол үшін Фаткулин оларға 10 000 теңге аударған. Бетбелгі дайындап, белгілі бір жерге қоямыз деп келіскен”, – деп мәлімдеді судья Алтынай Сағындықова.
Алайда, соңында психотроптық затқа ұқсайтын ұнтақ пакеттерін дайындап, затты Павлова көшесіндегі үйдің жанына орналастырған. Фаткулин оны алып кету үшін көрсетілген жерге келді.
“Содан кейін бір топ адам болып әрекет ете отырып, Васюренко мен Әбуі өздерін психотроптық заттардың заңсыз айналымымен айналысатын адамдарға қарсы күресушілерге ұқсатып көрсете бастаған. Алдымен олар Фаткулинді аса ауыр қылмыстық жауапкершілік көзделген мефедронды заңсыз иеленуге қатысы бар екеніне сендіреді. Содан кейін олар ақшаны тапсыруды ұсынған. Қылмыстық жауапкершіліктен қорыққан Фаткулин банктен ақша алу үшін паролін айтып, екі ұялы телефонын берген. Сосын үйінде 80 000 теңге бар екенін айтқан, оны да сотталушылар алып кеткен”, – деп қосты судья.
Басқа да жаңалықтарды білгіңіз келсе, біздің Telegram-арнамызға жазылыңыз!
Жылдам ақпарат алу үшін Facebook, Instagram желілері мен Telegram каналымызға жазылыңыз!